Жаңы достор жана тажрыйба! Ысык-Көл эл аралык марафонуна ыктыярчыларды тандоо жарыяланат
Жаштар иштери, дене тарбия жана спорт боюнча мамлекеттик агенттик ШКУнун "Run the Silk Road – Shanghai Cooperation Organization" Ысык-Көл IX эл аралык марафонуна ыктыярчыларды тандоону жарыялайт.
Ыктыярчылар марафондо төмөнкү багыттар боюнча иш алып барат:
- катышуучуларды жайгаштыруу жана тамактандыруу;
- транспорттук логистика;
- демөөрчүлөр менен иштөө;
- ЖМК менен иштөө;
- медициналык коштоо;
- калыстар менен иштөө;
- катышуучулардын атташеси (котормочулар);
- күйөрмандар үчүн кызматтар;
- VIP-конокторду коштоо.
Кыргызстандагы ири эл аралык спорттук иш-чаранын бир бөлүгү болуу менен бирге, марафондун алкагында жаңы досторду табып, ыктыярчылык тармакта чоң тажрыйба ала аласыз.
ШКУнун "Run the Silk Road – Shanghai Cooperation Organization" Ысык-Көл IX эл аралык марафону 2021-жылдын 15-майында Ыссык-Көл облусунда өтөт.
Ыктыярчылар кыргыз, орус жана англис тилдерин эркин билген, 18 жаштан жаш эмес Кыргыз Республикасынын жарандары болушу керек.
Табыштамалар [email protected] дареги боюнча 2021-жылдын 5-апрель күнүнүн саат 17:00 го чейин кабыл алынат.
Табыштама менен бирге талапкерлердин өздүгүн тастыктаган документтин көчүрмөсүн жана "Марафонду өткөрүүдөгү менин ролум" темасына мотивациялык кат коштоо зарыл.
Кошумча суроолор боюнча 0312 32-52-18 телефону аркылуу байланышсаӊыз болот, Мамагенттиктин жаштар иштери боюнча координациялоо жана өз ара аракеттенүү бөлүмүнүн жетектөөчү адисинин м.а. Иманкулова Айза.
