"Манас" театрынын директору Азиз Биймырза уулу "Даңк" медалы менен сыйланды
9478
Кыргыз улуттук "Манас" театрынын директору, манасчы Азиз Биймырза уулу "Даңк" медалы менен сыйланды. Мындай сыйлыкты президент Садыр Жапаров бүгүн, 18-апрелде театрдын имаратынын ачылышында тапшырды.
Бул сыйлык "Манас" эпосун сактоого, ошондой эле айтуучулук өнөрдү жана төкмө чыгармачылыгын илгерилетүүгө жана жайылтууга кошкон чоң салымы үчүн ыйгарылды.
Белгилесек, аталган театр 2021-жылы "Манас" эпосун, ошондой эле чакан эпосторду жана манасчылардын, дастанчылардын чыгармачылыгын сактоо, жайылтуу жана илгерилетүү максатында түзүлгөн. Президенттин жарлыгы менен 2022-жылы театрга улуттук макамы берилген.
Жаңы театрдын имаратынын курулушу 2022-жылы жайында башталган.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://m.kaktus.media/15975