Ошто 2 жаштагы наристе бала бакчадан чыгып, каналга түшүп кеткен
Ош облусунда бала бакчалардын биринен 2 жаштагы тарбиялануучу чыгып кетип, каналга түшүп кеткен. Облустук ички иштер башкармалыгынан редакцияга билдииршкендей, наристе чарчап калган.
Маалым болгондой, ушул жылы 8-августта Өзгөн райондук ички иштер бөлүмүнө Кароо айыл аймагындагы бала бакчалардын биринен 2 жаштагы бала чыгып кеткен бойдон дайынсыз болуп жаткандыгы тууралуу маалымат түшкөн.
Факты каттоого алынып, окуя болгон жерге тергөө-ыкчам тобу чыгып, тергөөгө чейинки текшерүү иштери башталган.
Жүргүзүлгөн иштердин натыйжасындада дайынсыз болуп жаткан 2022-жылы туулган Б.Н. бала бала бакчанын жанындагы каналга түшүп кетип, чарчап калгандыгы маалым болгон.
Окуя боюнча күбөлөр суралып, баланын өлүмүнүн себебин аныктоо боюнча тийиштүү экспертизалар дайындалган. Ал эми наристенин ата-энеси эч кимге доосу жоктугун билдирип, арыз жазуудан баш тартышкан. Учурда тергөө амалдары уланууда.
Башкы беттеги сүрөт иллюстрациялык.
