Кышында жоголгон 28 жаштагы жигитти издөө иштери кайра жанданды
Чүй облусунун Аламүдүн капчыгайында 2024-жылдын 13-январынан бери дайынсыз болуп жаткан 28 жаштагы Маматалы уулу Мукамбеталыны издөө иши жакындарынын кайрылуусунун негизинде кайрадан жандандырылды. Бул тууралуу ӨКМдан кабарлашты.
Бүгүн, 3-июнда издөө ишине 34 куткаруучу, Кризистик кырдаалдарда башкаруу борборунан 2 куткаруучу 2 дрон менен чыгышты.
Мындан сырткары ИИМден 300 кызматкер тартылды.
Эске салсак 2024-жылдын 13-январь күнү, Чүй облусунун Аламүдүн капчыгайында (Тёплые ключи) 1996-жылы туулган Маматалы уулу Мукамбеталы дайынсыз жоголгон.
17-январдан 23-январга чейинки активдүү издөө иштерине ӨКМдин 200дөн ашуун куткаруучусу, кинологдор, ИИМден 100дөн ашуун кызматкер тартылган. Натыйжа болбогондуктан Мукамбеталынын туугандырынын ыраазычылык билдирүүсү менен издөө иши токтотулган.
