Бекзат Алмаз уулу Олимпиада оюндарын жеңиш менен баштады
Кыргыз балбаны Бекзат Алмаз уулу Олимпиада оюндарындагы мелдешин ийгилик менен баштады. Ал казакстандык спортчуну 4:1 эсебинде жеңип, чейрек финалга чыкты. Алмаз уулу эркин күрөш боюнча 57 килограмм салмакта беттешүүдө. Анын кийинки атаандашы америкалык Ричард Ли болот.
Бүгүн, 8-августта 67 кг салмакта грек-рим күрөшү боюнча балбан Амантур Исмаилов көңүл жубатуучу беттеште атаандашын бир мүнөттүн ичинде утуп, коло байге үчүн күрөшүүгө мүмкүнчүлүк алды.
Эске салсак, 9-августка караган түнү мушкер Мунарбек Сейитбек уулу жарым финалдык беттешин өткөрөт. Бардык спортчуларыбызга ийгилик каалайбыз.
Учурда Кыргызстандын капчыгында 4 медаль бар. Бир күмүш жана үч коло. Күмүш медалды Мээрим Жуманазарова алса, коло байгени Жоламан Шаршенбеков, Акжол Махмудов жана Үзүр Жузупбеков алып келди.
