Кыргыз бийлиги коронавирус менен күрөшүүнүн үч жылдык планын иштеп чыкты
Министрлер кабинетинин төрагасынын орун басары Жылдыз Бакашова 2021-2023-жылдарга COVID-19 менен күрөшүү программасын иштеп чыгуу боюнча жумушчу кеңешме өткөрдү. Министрлер Кабинетинин басма сөз кызматы билдиргендей, жолугушууда учурдагы эпидемиялык абал жана өлкөдөгү коронавирустук инфекцияны жоюу боюнча перспективдүү план талкууланды.
Жылдыз Бакашова коронавирустук инфекциянын жайылышынан коргоого системалуу мамиле уюштуруу зарылдыгын белгилеп, 2021-2023-жылдарга COVID-19 менен күрөшүү боюнча мамлекеттик программаны иштеп чыгууну сунуштады.
Министрлер кабинетинин башчысынын орун басары бул программанын долбоорун жана аны ишке ашыруу боюнча иш -чаралардын планын иштеп чыгып, Министрлер Кабинетине киргизе турган ведомстволор аралык жумушчу топ түзүүнү тапшырды.
Ведомстволор аралык жумушчу топтун курамына мамлекеттик органдардын өкүлдөрү гана эмес, өкмөттүк эмес жана эл аралык уюмдардын көз карандысыз эксперттери кирери белгиленген.
