Финансылык пирамидалар эң көп катталган Кыргызстандын региону аталды
Кыргызстанда финансылык пирамидалардын ишмердүүлүгүно байланышкан бир катар фактылар катталган.
ИИМ берген маалыматка ылайык, 2021-жылы Ички иштер органдарында финансылык пирамида уюмуна байланышкан 906 факты катталып, иликтенип жатат. Эң көп - 886 факты Ысык-Көл облусунда катталган. Болгондо да бир эле Балыкчы шаарынын кылмыш жана жаза бирдиктүү реестрине 863 факты киргизилген.
Алардын калкка келтирген жалпы материалдык кесепети 34 миллион сом деп бааланууда.
Учурда "Улан-Амал", "Балыкчы-Ынтымак", "Ырыскы", "Аккуу", "Ак-Тилек", "Жүрөккө-Жүрөк", "Жүрөккө-Жүрөк Тоң", "Кут", "Нью-Миллениум", "Манийклуб", "Эл биримдиги" деген уюмдарга карата кылмыш иштери иликтенүүдө.
ИИМ эскертет - мындай уюмдардын ишмердүүлүгү Жазык кодексинин 214-беренеси "Финансылык пирамидаларды уюштуруу" дегендин негизинде жоопко тартылат.
