"Аскерлердин топтолушу". Тажикстан менен чек арадагы кырдаал курч болуп турат
Улуттук коопсуздук боюнча мамлекеттик комитеттин чек ара кызматы мамлекеттик чек аранын кыргыз-тажик тилкесиндеги кырдаал курч мүнөздө экендигин белгилейт. Бул тууралуу чек ара кызматынын басма сөз кызматы билдирди.
Маалыматка караганда, тажик тарап кыргыз-тажик чек арасын делимитациялоо жана демаркациялоо боюнча өкмөттөр аралык делегациялардын буга чейин жетишилген бардык макулдашууларын бузуп, 4-июнда болжол менен саат 3тө чек аранын тактала элек бөлүгүнө контейнер орнотуп баштаган. Ош облусунун Чоң-Алай районундагы Унжу-Булак участкасы Кыргызстандын аймагына 1000 метрге чейин кирип келишкен.
Муну менен катар тажик тараптан аскер кызматкерлеринин автоунааларда жана жеңил брондолгон унааларда топтолушу байкалууда.
"УКМКнын Чек ара кызматы жаңжалдын курчуп кетпеши үчүн бардык чараларды көрүп жатат" деп айтылат билдирүүдө.
Кийинчерээк ПС кабарлагандай, таңкы саат алтыга карата Унжу-Булак аймагындагы чек аранын кыргыз-тажик бөлүгүндө абал курч бойдон калууда.
Белгилүү болгондой, тажик тарап контейнерди мамлекеттик чек аранын тактала элек бөлүгүнө таштап, андан 600 м алыстыкка кеткен.
"Кыргыз тарап кырдаалды тараптардын чек ара өкүлдөрүнүн деңгээлинде жөнгө салуу боюнча аракет көрүп жатат, бирок Тажикстан Республикасынын чек ара өкүлдөрү телефон чалууларга жооп бербей жатат" деп айтылат билдирүүдө.
Чек аранын кыргыз-тажик бөлүгүндө жайгашкан УКМКнын Чек ара кызматты бекемдөө ыкмасына өтүштү.
