Бишкекте III Элдик курултай өтөт
Өлкө башчы Садыр Жапаров "Кезектеги III Элдик Курултайды өткөрүү жөнүндө" жарлыкка кол койду. Бул туурасында президенттин администрациясы билдирет.
Токтомго ылайык, кезектеги III Элдик курултай Бишкек шаарында 2024-жылдын 20-декабрына дайындалып, делегаттарга 700 квота бөлүндү.
Курултайдын делегаттарын шайлоону өткөрүүнү уюштуруу боюнча ишти координациялоо уюштуруу комитетине, Элдик курултайдын катчылыгына, президенттин облустардагы ыйгарым укуктуу өкүлдөрүнө, жергиликтүү мамлекеттик администрацияларга, жергиликтүү өз алдынча башкаруу органдарына, Тышкы иштер министрлигине, Эмгек, социалдык камсыздоо жана миграция министрлигине, Маданият, маалымат, спорт жана жаштар саясаты министрлигине, ошондой эле Кыргызстан элинин ассамблеясына (макулдашуу боюнча), Ички иштер министрлигине жер-жерлерде делегаттарды шайлоону уюштуруу жана өткөрүү мезгилинде коомдук тартипти жана коопсуздукту сактоо боюнча чараларды көрүү тапшырылды.
