Кыргызстанда үй-бүлөлүк зомбулук фактылары көбөйдү
Кыргызстанда жети айда 8 миң 956 үй-бүлөлүк зомбулук фактысы катталган. Бул тууралуу Ички иштер министрлигинин маалыматында айтылат.
Былтыркы жылдын жети айына салыштырмалуу 1622 факты же үй-бүлөлүк зомбулук 22,1%га көп катталган.
Зордук-зомбулукка күнөөлүүлөргө 7985 убактылуу коргоо ордери берилген, анын ичинен 7599 (95,2%) эркектерге, 386 (4,8%) аялдарга.
Үй-бүлөлүк зомбулуктан жабыркагандарга 7985 убактылуу коргоо ордери берилген:
- аялдар – 7432;
- эркектер - 375;
- балдар - 178.
КР Кылмыш-жаза кодексинин "Үй-бүлөлүк зомбулук" беренеси боюнча 2473 протокол түзүлүп, анын 2324ү сотко жөнөтүлгөн. Натыйжада 828 адам коомдук жумуштарга тартылып, 1154 адам камакка алынган.
Ошол эле учурда Кыргызстанда жети айдын ичинде үй-бүлөлүк зомбулук фактылары боюнча 317, адам өлтүрүү боюнча 19 кылмыш иши козголгон.
Башы беттеги сүрөт: иллюстрациялык.
