УКМК: Чет элдик экстремисттер кыргыз жарандыгын мыйзамсыз алышкан
Ош облусунун Кара-Суу районунда расмий документтерди даярдоо жана сатуу боюнча мыйзамсыз канал аныкталып, ишмердүүлүгүнө бөгөт коюлду. Бул туурасында УКМКнын маалыматында айтылат.
2-июлда 379-берененин 1-бөлүгү (Документтерди жасалмалоо) боюнча кылмыш иши козголгон.
Тергөө иштеринин алкагында Б.Г.Ж. жана Б.Д.Г. аттуу жарандардын жашаган жеринде тинтүү иштери жүргүзүлүп, анда туулгандыгы тууралуу медициналык күбөлүктөрдүн бланктары, өлгөндүгү тууралуу күбөлүктөрдүн гербдүү мөөрлөрү, Кыргыз Республикасынын жана коңшу мамлекеттердин жарандарынын паспорттору алынды. Мындан тышкары "Хизб -ут-тахрир" диний-экстремисттик уюмдун материалдары жана баракчалары табылды.
Учурда козголгон кылмыш ишинин алкагында тергөө органдары тарабынан паспортторду жана башка документтерди мыйзамсыз алууга көмөктөшкөн башка адамдарды аныктоо боюнча тиешелүү иштер жүргүзүлүүдө.
