Садыр Жапаров өлкөдө жакыр үй-бүлөлөрдүн саны 30 миңге кыскарганын айтты
Мамлекет башчы Садыр Жапаров өлкөдө жакыр үй-бүлөлөрдүн саны кыскара баштаганын айтты. Бул туурасында президент "Кабар" агенттигине берген маегинде айтты.
Журналист калктын аялуу катмарын азайтуу багытында кандай иштер аткарылып жатканына кызыкты.
"Бизде жакыр жашаган үй-бүлөлөр көп. Мен бийлик башына келген убакта 111 миң үй-бүлө жакыр жашайт эле.
Мамлекеттен жөлөк пул жардам берилип турган экен. Азыр алардын саны кыскарып, 81 миң үй-бүлө калды. Кудай буюрса, алдыда келе жаткан 5-10 жылда баарын жоёбуз деген планыбыз бар.
Былтыр 10 миң үй-бүлөгө жүз миң сомдон жардам берилсе, быйыл 2024-жылдын аягына чейин 20 миң үй-бүлөгө 100 миң сомдон жардам беребиз. Ушинтип жылда улантып жүрүп олтуруп, Кыргызстанда жакыр үй-бүлө деген түшүнүктү жок кылабыз", - деди Садыр Жапаров.
Башкы беттеги сүрөт иллюстрациялык.
