Алмасбек Турдумаматов 24.kg маалымат агенттигинин жетекчиси жана ээси болду
Мурдагы президент Курманбек Бакиевдин басма сөз кызматынын мурдагы жетекчиси Алмасбек Турдумаматов 24.kg маалымат агенттигинин жетекчиси жана ээси болду. Бул тууралуу Юстиция министрлигинин маалыматында белгилүү болду.
Маалымат агенттиги бүгүн, 19-мартта кайра каттоодон өттү. Буга чейин, 15-мартта аталган басылма Гүлжан Шерипбаевага кайра катталганы белгилүү болгон.
Басылманын мурдагы жетекчиси Асел Оторбаева Фейсбук социалдык тармагына чыгып кетүү чечими бир жылдай мурун кабыл алынганын, бирок башка нерселер менен катар кылмыш ишинен улам кечеңдеп жатканын жазган.
Эч кандай рейдерлик болгон эмес. Шерипбаева уюштуруучулардын катарына кандайча киргенин Юстиция министрлигинен тактап жатам.
Оторбаеванын айтымында, агенттиктин редакциялык саясатын өзгөртүү боюнча эч кандай сөз болгон эмес дейт.
"Биз эч качан оппозициялык басылма болгон эмеспиз. Биз эч качан бийликчил басылма болгон эмеспиз. Салмактуу маалымат берүүгө аракет кылганбыз жана кылабыз", - деди ал.
Турдумаматов тууралуу эмнелер белгилүү?
Мындан тышкары "Кыргызтелеком" ААКсында жана Кыргызстандын Улуттук банкында иштеген.
Ал кыргыз тилиндеги "Евразия борборуна саякат" долбоорунун, Монголиядан, Ирандан атайын репортаждардын сериясынын, Памирлик кыргыздардын жашоосу тууралуу бир катар программалардын автору. "Эсимде" изилдөө платформасынын ишине катышат.
Эскерте кетсек, 15-январда 24.kg маалымат агенттигинин кеңсесинде тинтүү иштери жүргөн. Аталган факты боюнча 497-берене "Согушту пропагандалоо" боюнча кылмыш иши козголгон.
