Жасалма доллар менен iPhone 15 сатып алган жаран кармалды
1298
Бишкекте алдамчылыкка шектүү жаран кармалды. Бул тууралуу Биринчи Май райондук ички иштер башкармалыгынын басма сөз кызматы билдирди.
1-декабрь күнү РИИБге А.О. аттуу жаран кайрылып, чала тааныш киши андан 1300 долларга iPhone 15 телефонун сатып алып, бирок жасалма акча менен төлөгөнүн айткан.
Аталган факт боюнча Кылмыш-жаза кодексинин 209-беренеси менен кылмыш иши козголгон. Тергөө иш-чараларынын жүрүшүндө 1998-жылы туулган Ж.К. аттуу шектүү кармалып, Бишкек шаарынын ШИИББдин убактылуу кармоочу жайына киргизилди.
Соттук-техникалык экспертиза дайындалып, анын жыйынтыгы боюнча шектүү адамдын аракеттерине кошумча юридикалык баа берилет.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://m.kaktus.media/15085
