АКШда Шевченко менен Грассонун беттешинин жыйынтыгына нааразылык билдиришти
Невада штатынын атлетикалык комиссиясынын (NSAC) аткаруучу директору Жефф Маллен UFC уюмунун кыз-келиндер арасындагы чемпиондук титул үчүн мексикалык Алекса Грассо менен кыргызстандык Валентина Шевченконун ортосундагы беттештин жыйынтыгы менен макул эместигин билдирди.
17-сентябрда АКШнын Лас-Вегас шаарында өткөн Шевченко менен UFCнин жеңил салмактагы кыз-келиндердин учурдагы чемпиону Грассонун беттеши тең чыгуу менен аяктап, мексикалык мушкер айым титулду сактап калган.
Судья Майк Белл акыркы, бешинчи раундду 10-8 эсебинде Грассонун пайдасына чечкен эле.
Басылманын маалыматы боюнча, Маллен жана NSAC өкүлдөрү кармаштын беш раундуна анализ жүргүзүшкөн. Күрөштүн бешинчи раундуна келгенде, калыстардын баары 10-8 балл болбошу керек эле деген пикирге келишти.
"Майк - дүйнөдөгү эң мыкты калыстардын бири. Ал мурдагыдай эле мыкты судья. Бирок мен анын бул раундда берген баасына кошулбайм", - деп ESPN Муллендин сөзүн келтирет.
Калыстардын баамында, акыркы раундду 10-9 эсебинде Грассонун пайдасына чыгаруу туура болмок (анда төрт раунддун жыйынтыгында Шевченко Грассодон 2 упайга алдыгачыкмак. Ред - Kaktus.media). Буга ылайык Шевченко чемпиондук титулун кайтарып алмак.
