Японияда жаңы тиштерди өстүрүү үчүн дары ойлоп табылды
Япон окумуштуулары тарабынан инновациялык дары иштелип чыкты. Ал тиштердин үчүнчү топтомун өстүрүүгө мүмкүндүк берет. Клиникалык сыноолор бир жылдан кийин башталат дейт Mainichi.
Окумуштуулар адамдардын тиштерин өстүрүүгө мүмкүндүк бере турган жаңы препаратты иштеп чыгууда ийгиликтерге жетишти. Изилдөөлөр көрсөткөндөй, адамда тиштердин үчүнчү топтому үчүн зарыл болгон нерселердин баары бар, бирок бул процесс USAG-1 протеини тарабынан бөгөттөлөт.
Такахашинин изилдөө тобу анын функцияларын бөгөттөй алган белокту нейтралдаштыруучу антитело иштеп чыгышты. Дары чычкандарга берилип, жаңы тиштер чыгып кеткен.
"Жаңы тиштерди өстүрүү идеясы - ар бир тиш доктурдун кыялы. Мен анын үстүндө аспирант кезимде иштегем. Мен аны чече аларыма ишенчүмүн", - деген Осакадагы Китано медициналык институтунун жетектөөчү илимий кызматкери Катсу Такахаши.
Азыртан эле дары-дармекти адамдын колдонуусуна даярдоо иштери жүрүп жатат. Биринчиден, дары туубаса факторлордон улам чоңдордун тиштеринин толук топтому жок болгон бейтаптарга арналган. Бул адентия деп аталат.
Келечекте дары кененирээк колдонууга ээ болушу мүмкүндүгүн изилдөөчүлөр белгилешет.
