Курман айттын датасы белгилүү болду

Быйыл Курман айт майрамы 28-июнда белгиленет. Маалыматты Муфтияттан билдиришти.

Белгилүү болгондой, 19-июнь Зул-Хижжа айынын биринчи күнү болгондуктан 27-июнь арапа күнү, 28-июнь Курман айт майрамы.

Курмандык чалуунун эрежелери.

• Курмандыкка бодо мал - төө, уй жана койлор жарайт. Жапайы кийик, аркар-кулжа жана элик сыяктуулар курмандыкка жарабайт.
• Жылкы курмандыкка чалынбайт. Уйлардын катарына топоз, койлордун катарына эчки кирет.
• Малдын жашы - төө төрткө толуп бешке кетиш керек. Уйлар эки жаштан өйдө болуусу зарыл. Ал эми койдун козусу жана эчкинин улагы алты айдан ашкан болушу шарт.
• Сокур, чалыр, аксак, оорукчан, өтө арык, кулагы жана куйругу таптакыр кесилгендер курмандыкка жарабайт. Ал эми кулагы же куйругу бир аз кесилген жана бычылган мал жарайт.
• Кой менен эчкинин курмандыгы бир адамдын атынан болот. Ал эми төө менен уйду жети адамга чейин же андан кем адам чалуусу зарыл. Жети адамдан ашса болбойт.