Урмат Самаев анын кармалышын "саясий" деп эсептейт
Токмок шаарынын мэри Урмат Самаев кармалганы, козголгон кылмыш иши тууралуу айтып берди.
Анын айтымында, 19 жеке турак-жайдан келтирилген 130 миллион сом зыян – бул акылга сыйбаган нерсе. Ал 25 миллион сом зыян келтирилген айып жөнүндө дагы айтып, бирок ал үйлөр боюнча күнөөсү жоктугун билдирди.
"Бул үйлөрдү мага чейин ушул кызматта тургандар туташтырган. Буга чейин дагы бирөө иштечү" , - деди Самаев.
Ал 130 миллион сом өтө эле көп экенин баса белгиледи.
"Мен бул иштин саясий өбөлгөлөрү тууралуу эки кишиге айттым, бул бир жылдан бери уланып жатат", - деди ал.
Эске салсак, Самаев "Токмок жылуулук" муниципалдык ишканасындагы туруктуу коррупциялык схеманы уюштурган деп шектелүүдө. Кеп Токмок шаарындагы жеке менчик үйлөрдүн борбордук жылуулук магистралына мыйзамсыз кошулган фактылары тууралуу болуп, анда түшкөн акчанын бир бөлүгү мэрге которулган деген шек бар. Буга чейин "Токмок жылуулук" ишканасынын үч кызматкери кылмыш ишинин алкагында кармалган, алар мамлекетке 130 миллион сом зыян келтирген деп айыпталууда.
